Алдымен қала орталығындағы негізгі магистральдар, содан кейін екінші дәрежелі көшелер мен айналма жолдар тазаланады, деп хабарлайды @Pavlodarnews.kz тілшісі.

Хасар Хабылбеков өзінің Instagram-парақшасында мәлімдегендей, коммуналдық қызметтер аялдамаларды, жаяу жүргінші жолдарын және аулалардың ішкі аумақтарын да тазалап жатыр. Әлеуметтік нысандарға апаратын жолдар мен кіреберістерге ерекше назар аударылады. 

Қалада қар тазалау жұмыстарына тәулік бойы 250 жұмысшы тартылып, шамамен 300 арнайы техника жұмылдырылған. 

– Соңғы күндері аулалардағы қар тазалау жұмыстарының баяу жүруіне байланысты тұрғындардан көптеген өтініш түсті. Бұл жерде түсіндіре кеткім келеді: көпқабатты тұрғын үйлердің аулаларын тазалау міндеті пәтер иелері кооперативтері, мүлік иелерінің бірлестіктеріне және олар жалдаған мердігерлерге тиесілі. Ал коммуналдық қызметтер тек жол бөліктеріне жауап береді. Сонымен қатар, іргелес аумақтарды қардан тазалап, оны шығаруды кәсіпкерлік нысандарының иелері өздері қамтамасыз етуі тиіс, – деп жазды шаһар басшысы әлеуметтік желіде.

Хасар Хабылбеков тұрғын үй-коммуналдық шаруашылық бөлімі мен мердігер ұйымдарға квартал ішіндегі қар тазалау жұмыстарын күшейтуді, техника мен жұмысшылар санын арттыруды тапсырды. Бұл жұмыстар тәулік бойы жалғасатын болады.

Посмотреть эту публикацию в Instagram

Публикация от Хасар Хабылбеков (@khassarkhabylbekov)