Аймақ басшысы Асайын Байхановпен өткен аппарат отырысында емдеу мекемелерінің жөндеу жұмыстарындағы дайындық деңгейі туралы айтылды, деп хабарлайды @Pavlodarnews.kz тілшісі.

Биыл «Ауылдық денсаулық сақтауды жаңғырту» ұлттық жобасы аясында алты жоба аяқталады.

– Бұд сәуір айында Ивановка ауылындағы дәрігерлік пунктпен бірге дайын болатын Бәйет және Үштерек ауылдарындағы фельдшерлік-акушерлік пункттер. Құркөлдегі медициналық пункт мамырда, ал Мыңқұлдағы медпункт маусым айында аяқталады. Ленин ауылындағы дәрігерлік амбулатория мамыр айында дайын болады, – деді Павлодар облыстық құрылыс басқармасының басшысы Асқар Әжмұрат.

Ал №1 Павлодар қалалық ауруханасын жөндеуге келетін болсақ, жеті қабатты А блогындағы барлық жұмыстар аяқталды. Г және Д корпустардағы 11 ота жасау бөлімнің алты бөлімшесі күрделі жөндеуден өткен, енді бес бөлім қалды. Блоктарға жаңа медициналық қондырғылар орнатылды.