Шара облыстық «Қызыл Ай» қоғамымен ынтымақтастықта ұйымдастырылды, деп хабарлайды  @Pavlodarnews.kz тілшісі. 

Павлодар облысындағы ҚАЖ департаментінің мәліметінше, №45 және №46 мекемелерде төтенше жағдайларда алғашқы көмек көрсету дағдыларын үйретуге арналған шеберлік сағаты өтті. Қатысушылар алғашқы көмектің негізгі ережелерімен және жедел жағдайларда тиімді әрекет ету үшін қажетті практикалық дағдылармен танысты. «Қызыл Ай» мамандары әртүрлі сценарийлер бойынша симуляциялар көрсетті, бұл қатысушыларға алған білімдерін тәжірибе жүзінде пысықтауға мүмкіндік берді.

– Алғашқы көмек көрсету дағдыларын үйрету – мекемелер мен олардың сыртында қауіпсіздікті қамтамасыз етудің маңызды қадамы, – деді ұйымдастырушылардың бірі. – Біз қызметкерлерімізді төтенше жағдайларға даярлауды мақсат етіп, оларды тиімді әрекет етуге және басқаларға көмек көрсетуге үйретуді көздейміз.

Шеберлік сағаты ҚАЖ қызметкерлерінің біліктілігін арттыру бағдарламасының маңызды кезеңі болып табылады әрі сотталғандармен өзара әрекеттесу үшін қажетті құзыреттерді дамытуға бағытталған.

.