Білім беру ұйымдарындағы заң бұзушылықтар саны азаюда, деп хабарлайды @Pavlodarnews.kz тілшісі.

№15 орта мектепте Павлодар мектептері директорларының Павлодар облыстық еңбек басқармасының басшысы Асқар Қапановпен кездесуі болып, сарапшы қол жетімді нысанда Қазақстан Республикасы Еңбек кодексінің еңбек қатынастарын реттеу бөлігінде негізгі ережелерін, демалыс ақысын және басқа да әлеуметтік аударымдарды төлеу тәртібін түсіндірді.

– Жиналыс Еңбек және халықты әлеуметтік қорғау министрлігінің тапсырмасы бойынша студенттердің демалысы, жөндеу және жұмыс уақыты басталатын жаз мезгілінде өткізіліп отыр, – деп атап өтті Асқар Қапанов. – Мысалы, оқушыларды жұмысқа орналастыру мәселесін талқыладық. Егер бала жұмыс істегісі келсе, жұмыс беруші оқуға кедергі жасамас үшін мектептің келісімін алуға міндетті.

Сондай-ақ Асқар Қапанов штаттық кестеге сәйкес толық емес жұмыс күнімен жұмыс істейтін жұмысшыларға жәрдемақы төлеу қажеттігін, мектептерде жұмыс жүргізетін жөндеушілерді сақтандырудың болуын еске салды. Ол мектеп директорларына жазатайым оқиға болған жағдайда ірі көлемде айыппұл салынатынын ескертті.

Өз кезегінде сөз алған қалалық мемлекеттік кірістер басқармасының бас маманы Айсұлу Қабышева жиналғандарды әлеуметтік төлемдерді төлеу тәртібімен таныстырды. Бұзушылықтар анықталған жағдайда мұндай мектептерге берешек сомасының 20 пайызы көлемінде айыппұл салынады.

Жалпы, Асқар Қапанов мектеп әкімшілігінің құқықтық сауаттылығының артқанын атап өтеді. Оның айтуынша, соңғы жылдары шағымдар саны күрт азайған. Бұл  – білім басқармасы, мектептермен бірлесе атқарған жұмысымыздың жемісі, деп есептейді спикер.