Бұл топырақтың  тозу мәселесін шешуге мүмкіндік береді, деп хабарлайды @Pavlodarnewz.kz тілшісі.

Өңір диқандарын жердің құнарлығының нашарлап бара жатқаны алаңдатады. 

– Дақылдардың кесірінен жердің қырық пайызы бұзылған. Мұны ауыл шаруашылығы ғылымдарының докторы Құдайберген Қанапьянов дәлелдеді, – дейді ауыл шаруашылығы саласының ардагері Мойылжан Қанаев Өңірлік коммуникациялар қызметінде өткен брифингте.

Оның айтуынша, жерасты суы тұзды көтеріп, жерді ластайды. Спикердің айтуынша, мәселені шешуге болады, бірақ бұған уақыт керек.

– Егіс алқаптарына көпжылдық шөп егу керек. Бұл жердің кұнарлылығын арттырады. Бір рет ексең, гектарынан тоннаға дейін шөп береді. Ал табиғи шөптер бір-екі центнер шөп береді, – деп түсіндірді агроном.

Десе де, маман бұл оңай емес екенін айтады. Ол үшін көпжылдық шөптердің тұқымдары жоқ. Ол үшін өсіру және көбейту орталығын құру қажет және бұл іс екі-үш жылды алады. Сондықтан агрономдар облыста пилоттық бағдарламаны іске қосуды сұрады.

Естеріңізге сала кетейік, тоғыз айдың қорытындысы бойынша Павлодар облысы агроөнеркәсіптік кешенге инвестиция тарту бойынша екінші орынды иеленді. Көрсеткіш 98 млрд теңгеге жетті. Сарапшылар келесі жылы инвестиция ағыны 135 млрд теңгеге дейін жетеді деп болжап отыр.

Әсия Серікова