Аймақтың бірқатар аудандарында шегірткенің стадиялық емес түрлері байқалуда, деп хабарлайды @Pavlodarnews.kz 

Бұл туралы Павлодар облысы әкімдігінің аппараттық жиналысында облыстық ауылшаруашылық басқармасының басшысы Марат Ақтаев мәлімдеді. Ол облыстағы фитосанитарлық жағдай жайлы таныстырып өтті. 

– Железин, Павлодар, Шарбақты, Тереңкөл аудандарында экономикалық зияндылық шегінен аспайтын стадиялық емес шегірткелердің жекелеген түрлері байқалады, – дейді Марат Ақтаев. 

Оның сөзінше, Ресей Федерациясы, СҚО, Ақмола облысымен  шекаралас аудандардың бойында зиянды шегірткелердің қоныстануы табылмады.  

– Облысқа итальяндық прустың көші-қон қаупі жоқ. Алайда Баянауыл ұлттық табиғи паркінде аумағында 2560 гектарда италиялық прус жұмыртқа салды. Аталған жерлерде инспекция химиялық өңдеу жүргізді, – деп атап өтті Марат Ақтаев.–Жағдай бақылауға алынды.

Асайын Байханов зиянкес шегірткелердің қауіпін алдын ала ескеру кереткігін атап өтті.

– Биыл шегірткелердің таралуының жоқтығы байқалмаса да, келесі жылы бұл қайталануы мүмкін деп сеніп отырмау керек. Сіздер босаңсып қалмаңыздар. Қазірден бастап дернәсіл жерлерін тексеріп,  өңдеуге кірісу қажетсіздер, – деді облыс әкімі.

Аймақ басшысы бұл мәселеге қатысты қатаң бақылауды жүргізу облыс әкімінің орынбасарына тапсырды.

Фото: Константин Шелков