Өңірде жел күшейіп, түнде ауа температурасы нөлден төмен түсуі мүмкін, деп хабарлайды @Pavlodarnews.kz тілшісі.

«Қазгидромет» мәліметінше, 26 қыркүйек күні Павлодар облысында түнде кей жерлерде жаңбыр жауып, тұман түседі. Күндіз жауын-шашын күтілмейді.

Түнде ауа температурасы облыс бойынша +3...+8 градус болады. Өңірдің батысы мен солтүстігінде 1 градусқа дейін үсік күтіледі. Күндіз ауа +12...+17 градусқа дейін жылынады. 

Солтүстік-шығыстан соғатын желдің жылдамдығы секундына 9–14 метрге жетеді. Облыстың батысы, солтүстігі мен оңтүстігінде екпіні секундына 15–20 метрге дейін күшеюі мүмкін. 

Павлодар қаласында түнде +5...+7 градус, күндіз +14...+16 градус шамасында болады. Көшпелі бұлт шығады, күндіз жауын-шашын күтілмейді. Солтүстік-шығыстан секундына 9–14 метр жел соғады.