Мектеп ішіндегі дәретханада шашылған спрейдің салдарынан адамдар эвакуацияланды, деп хабарлайды @Pavlodarnews.kz тілшісі.

Облыстық полиция департаментінің мәлімдеуінше, 16 ақпанда Ақсу қаласының полициясына Қалқаман кентінің мектебінде, санитарлық  бөлмеде белгісіз біреудің бұрыш спрейін шашқаны туралы шақыру келіп түсті. 

Оқиға орнына жедел-тергеу тобы шықты. Мектеп ғимаратынан 310 адам, оның ішінде 291 оқушы эвакуацияланды. Зардап шеккендер жоқ. 

- Бейнебақылау камераларын тексеру нәтижесінде осы мектептің 9-сынып оқушысы анықталды, - деді департаментте.

Осы факті бойынша кәмелетке толмағанның заңды өкіліне қатысты ҚР ӘҚБтК-нің 435-бабы бойынша әкімшілік іс қозғалды, материал қолданыстағы заңнама шеңберінде шаралар қабылдау үшін сотқа жіберілетін болады.

Фото: облыстық ПД