Ұлттық құрама ерекше жарыстарда өнер көрсетті, деп хабарлайды @Pavlodarnews.kz.

Еліміздің әр өңірінен келген жас спортшылар Ж.Үшкемпіров атындағы жекпе-жек сарайында және Qazaqstan жеңіл атлетика спорт кешенінде кездесті. «Жұлдызай-2023» ұлттық инклюзивті ойындары 500-ден астам бала мен 80 жаттықтырушының басын қосты.

10-16 жас аралығындағы оқушылар екі күн ішінде жеті спорт түрінен: жеңіл атлетика, голбол, шағын футбол, үстел теннисінен, сондай-ақ ұлттық «бес тас», «асық ату» және «тоғыз құмалақтан» жарысты.

Павлодар облысының құрамасы жалпы командалық екінші орынға ие болды. №4 арнайы мектеп-интернатының директоры Михаил Насоновтың айтуынша, командаға аталған мекемеден 13 бала кірді. Олар «бес тас» ұлттық ойынында және жеңіл атлетикада бақ сынады.

–  Біздің балалар керемет нәтиже көрсетті. «Бес тас» сайысында сегізінші сынып оқушысы Юлия Винтер «күміс» жеңіп алды. Жеңіл атлетикада бірінші орынға оныншы сынып оқушысы Елена Плохотнюк пен жетінші сынып оқушылары Артур Непп пен Диана Вальдт шықты. Оныншы сынып оқушысы Юлия Яницкая, алтыншы сынып оқушысы Нұғыман Сатжанов пен жетінші сынып оқушысы Дания Шүкарова «күміске» ие болды. Кіші топтағы балалар 4х50 эстафетасында екінші орын алды. «Қола» медальді Роман Королев пен Артур Непп романы алды, – деді Михаил Насонов.

Балаларды инклюзивті ойындарда өнер көрсетуге жаттықтырушылар Ренат Якубов, Нұрлан Жүнісов, Рустам Әбдіқалықов және Анастасия Шепотько дайындады.

Жарыстан кейін жас спортшылар елорда бойынша экскурсияға шығып, Тәуелсіздік алаңына барды, «Қазақ елі» монументін, Әзірет Сұлтан мешітін, Бейбітшілік және келісім сарайын, «Бәйтерек» монументін, «Хан Шатыр» кешенін және Астананың басқа да көрікті жерлерін аралады.

Мектеп-интернат директорының пікірінше, мұндай жарыстар спортқа және салауатты өмір салтына ерекше қажеттіліктері бар балаларды ынталандырып қана қоймай, өзін-өзі бағалауды арттырады, бұл республикалық және әлемдік деңгейде спорттық нәтижелерге қол жеткізу үшін маңызды.

№1 балабақша-мектеп-интернаты арнайы кешені, № 2 ерекше білім беру қажеттіліктері бар балаларды қолдау орталығы, № 3, №4, №5, №7 арнайы мектеп-интернаттар, Екібастұздың № 6 арнайы мектеп-интернаты жеңіл теннис және голбол, атлетика, тоғызқұмалақ, бес там және асық атуда үздік нәтижелер көрсетті.

Павлодар облысының құрамасына №7 мектеп оқушылары да кірді. Турнирде команда 53 медаль жеңіп алды, оның ішінде он сегізі – алтын. Инклюзивті ойындарда бірінші орынды Алматы құрамасы жеңіп алды, үшінші орынды Ақмола облысы иеленді.