Өңірде кабельдік теледидар бағасы жылына 8,7%-ға өскен, деп хабарлайды @Pavlodarnews.kz тілшісі.

Energyprom.kz сарапшылары ҚР Стратегиялық жоспарлау және реформалар агенттігі Ұлттық статистика бюросының 2022 жылы 11,7 мың үй шаруашылығы арасында жүргізген сауалнамасын жариялады. Сауалнама қорытындысы бойынша халықтың теледидармен қамтамасыз етілуі 99,9% құрады. Қалалық жерлерде отбасылардың – 99,9%, ауылдық жерлерде 100%  теледидар болған. ҚР-дағы әрбір 100 үй шаруашылығына орта есеппен 115 теледидар келеді.

 Өңірлік бөліністе Қарағанды (99,9%), Ақтөбе (99,8%) және Ақмола (99%) облыстарын қоспағанда, барлық дерлік облыстарда теледидармен қамтамасыз ету 100% құрады. Өткен жылы сол кездегі 17 өңірдің ішінен Қарағанды (99%), Ақмола және Қостанай (99,8% бойынша) облыстарының үй шаруашылықтары толық теледидармен қамтамасыз етілмеген.

Тұрғын үйді жабдықтау ретінде телехабар тарату түріне келетін болсақ, сауалнамаға қатысқан үй шаруашылықтарының 43,3% бір жыл бұрынғы 40,3%-ға қарсы кабельдік теледидар қызметін пайдаланды. Отбасылардың тағы 32,2% спутниктік теледидар қызметтерін (2021 жылы 32,6%-ға қарсы), 24,5%-ы эфирлік теледидар қызметтерін (бір жыл бұрынғы 27,1%-ға қарсы) пайдаланды.

– Өңірлік бөліністе спутниктік теледидар қызметтерін көбінесе Алматы (үй шаруашылықтарының 65,3%), Жамбыл (54,9%) және Солтүстік Қазақстан (54,9%) облыстарының тұрғындары, ал астаналықтар сирек (барлығы 3,7%) пайдаланды. Кабельдік теледидар Алматы (84,5%), Астана (76,3%) және Павлодар облысының (65,6%) тұрғындары арасында танымал болды, ал ең төменгі көрсеткіш Түркістан облысында (үй шаруашылықтарының тек 1,1%) байқалды, – деп жазылған хабарламада. 

Эфирлік теледидар көбінесе Ақтөбе (94,5%), Түркістан (73,6%) және Қызылорда (49,1%) облыстарының тұрғындарында, көбінесе Маңғыстау облысында (үй шаруашылықтарының тек 0,4%) кездеседі.

Ағымдағы жылдың шілде айының қорытындысы бойынша теледидарлар бір жылда 4,1%-ға арзандады, бұл ретте оларды жөндеу бірден 19,8%-ға қымбаттады. Кабельдік теледидар қызметтері 3,1%-ға төмендесе, спутниктік теледидар қызметтері, керісінше, 6,9%-ға қымбаттады.

Еліміздің әр өңірінде: Алматы және Ұлытау облыстарында – 4,6%-ға, басқаларында – 4%-ға арзандау байқалды.

Маңғыстау облысында теледидарларды жөндеу жылына бірден 59%-ға қымбаттады. Бағаның айтарлықтай өсуі Алматыда (49,4%-ға) және Батыс Қазақстан облысында (34,8%-ға) байқалды.

 Кабельдік теледидар ел бойынша орташа алғанда арзандады, алайда ҚР 20 өңірінің алтауында бағаның өсуі тіркелді, ал тағы 11-інде бағалар өткен жылдың деңгейінде қалды. Бағаның ең жоғары жылдық өсуі Павлодар (жылына 8,7%-ға), Ұлытау (6,3%-ға) және Жамбыл (5,2%-ға) облыстарында байқалды. Айтарлықтай арзандау тек Алматыда болды: жылына – минус 10%. Шығыс Қазақстан облысында да бағалар 1,3%-ға төмендеді.

Спутниктік теледидар қызметтерінің бағасы ҚР 20 өңірінің алтауында бұрынғы деңгейде қалды, ал қалғандарында баға өсті. Әсіресе Атырау (жылына 36,1%-ға), Абай (19,6%-ға) және Шығыс Қазақстан (18,5%-ға) облыстарында тіркелді.