Ер адам пробациялық бақылау талаптарын әдейі бұзған, деп хабарлайды @Pavlodarnews.kz. 

Бұған дейін 41 жастағы ауыл тұрғынына сот інісін ұрғаны үшін үш жылға бас бостандығын шектеуге үкім шығарған болатын. 

– Алайда сотталушы жазаны өтеу кезінде белгіленген тәртіп пен шарттарды қасақана бұзды, - деді пробация қызметінің қызметкері Олжас Қалымов. – Ол қоғамдық орындарда ішімдік ішкені үшін бірнеше рет әкімшілік жауапкершілікке тартылды. 

Тереңкөл ауданының пробация қызметкерлері оны жұмысқа орналастырғанымен айыпты ішімдікті үнемі тұтынуына байланысты жұмысынан айырылған. Осыдан кейін Тереңкөл аудандық соты пробация қызметінің өкілдігін қанағаттандырып, бостандықты шектеудің өтелмеген бөлігін нақты мерзімге ауыстырды. 

Енді ер адам қауіпсіздігі орташа мекемеде қалған тоғыз айға жуық уақытын өткізетін болады.