Ересектер арасындағы іріктеу чемпионатында үздік нәтиже көрсеткен спортшылар облыс құрамасына ілікті, деп хабарлайды @Pavlodarnews.kz тілшісі.

Қайырбаев атындағы спорттың ұлтттық түрлері бойынша спорт клубының мәліметінше, өңірде ересектер арасында ұлттық ат спортының жамбы ату түрінен іріктеу чемпионаты өтті. Жарыс қорытындысы бойынша Қинаят Еламан бірінші орынға ие болса, Айбын Уахитов екінші орынды, Саят Айтмағамбетов үшінші орынды иеленді.

Осы чемпионатта үздік нәтижелер көрсеткен спортшылардан құралған облыс құрамасы 16-21 қараша аралығында Жамбыл облысында өтетін Қазақстан Республикасының чемпионатында аймақ намысын қорғайды. Ұлттық ат спортының бұл тартысты бәсекесінде облыс құрамасы өз шеберліктерін көрсетіп, жүлделі орындарға таласуды көздейді.