Хасар Хабылбеков 2024 жылы грэпплинг және ММА бойынша әлем чемпиондары атанған спортшылар және олардың жаттықтырушыларымен кездесті, деп хабарлайды @Pavlodarnews.kz тілшісі.

Бұл туралы шаһар басшысы өзінің Instagram-парақшасында мәлімдеді.

– Павлодарда салауатты өмір салтын насихаттауға тұрақты көңіл бөлінеді. Бұған талантты спортшыларымыздың жетістіктері дәлел бола алады. Олар кезекті рет мүмкіндіктердің шексіз екенін және әрбір спорт сүйер жанның жастарға үлгі бола алатынын дәлелдеді. Жаттықтырушы мен спортшыларға спорттағы жетістіктері, кәсібилігі және Павлодардың спорт саласының дамуына қосқан зор үлесі үшін шын жүректен алғысымды білдірдім, – деп жазды ол әлеуметтік желіде.

Кездесу соңында қала әкімі барлық спортшылармен мақтанатынын және жаңа жеңістер күтетінін атап өтіп, оларға мықты денсаулық пен толағай табыстар тіледі.

Посмотреть эту публикацию в Instagram

Публикация от Хасар Хабылбеков (@khassarkhabylbekov)