Бұл бөлме жолаушылардың өтініші бойынша ҚМДБ-ның арнайы тіркеуінен өтіп, іске қосылуда, деп хабарлайды @Pavlodarnews.kz.

ҚМДБ-ның Павлодар облысы бойынша баспасөз  қызметінің мәліметінше, Павлодар әуежайында ұшақпен сапарға шығатын  намазхандарға және  жолаушыларға арналған намазхана бөлмесі ашылды.  

Павлодар облысының бас имамы Жолдас Қоспақұлының айтуынша, бөлмеде жуынып, дәрет алатын орны бар. Осыдан былай намазхандар  мен жолаушылар жайбарақат намазын оқып, дұғасын жасап, ұшаққа мініп, баратын жеріне жететін болады.

– Әуежай басшыларымен келісе отырып, олардың көрсеткен орынжайын жөндеуден толық өткіздік. Оған атсалысқан іні-қарындастарымызға Алла разы болсын! Намазхана бөлмесі намаз өтеуге  ыңғайлы  болды, – дейді Жолдас Қоспақұлы.

Бөлменің ашылуына дөп келген жолаушы апа қуанышпен шашу шашты, ақ батасын беріп, алғысын жаудырды.