Өртті сөндіру жер бедеріне байланысты қиындаған, деп хабарлайды @Pavlodarnews.kz тілшісі.

Облыстық төтенше жағдайлар департаменті баспасөз қызметінің мәлімдеуінше, Авто ХҚКО маңындағы өрт сөндірілді. Өрт екі бөлек аумақта шыққан. Бірақ батпақты жер оған төтеп беруге мүмкіндік бермеген.

- Жалпы аумағы 30 гектарды құрайтын қамыс өртенді. Өрт павлодарлық орман және жануарлар дүниесін қорғау мекемесінің аумағына – Жаңаауыл орман шаруашылығына да таралды. Үш гектар алқаптағы орманда құрғақ шөп пен қарағаш өртенді, - деді баспасөз қызметінде.

Өрт туралы хабар 30 сәуір күні сағат 18:26-да түскен. Жалынмен 35 адам күрескен, оның 20-сы Төтенше жағдайлар департаментінің қызметкерлері. Тоғыз автоцистерна пайдаланылды. Өрт 1 мамыр күні сағат 01:01-де толығымен сөндірілді.

Фото: ашық дереккөздерден