АИТВ-инфекциясының алдын алу мәселелері педагогтардың тамыз конференциясында қаралды, деп хабарлайды @Pavlodarnews.kz.

Павлодар политехникалық жоғары колледжінің базасында «Адал азамат» облыстық тамыз конференциясы өтті: мектеп, отбасы және қоғамдастықтың өзара іс-қимылы.

Облыстың 300-ге жуық педагогы, оның ішінде қалалық және аудандық білім бөлімдерінің әдіскерлері, мектеп директорларының орынбасарлары, М.М. Катаев атындағы Оқушылар сарайы, «Өркен» балалардың әл-ауқатын арттыру ұлттық ғылыми-практикалық орталығының, сондай-ақ ана мен баланың денсаулығын қорғау бөлімінің, дін істері басқармасының мамандары, құқық қорғау органдарының өкілдері-ювеналды полиция тобы және полиция департаментінің есірткі қылмысына қарсы іс-қимыл бөлімінің өкілдері қатысты. 

Білім беру ұйымдарында тәрбие жұмысының бағдарламаларын іске асырудың тиімділігі, жасөспірімдер жүктілігінің, қорқытудың, нашақорлықтың алдын алу, дін саласындағы заңнаманы және зайырлылық қағидаттарын сақтау сияқты мәселелер қаралды.

Облыстық АИТВ-инфекциясының алдын алу жөніндегі орталығының педагогы Құралай Бараисова республика мен облыстағы АИТВ-инфекциясы бойынша эпидемиологиялық жағдай туралы хабардар етті, жастар арасында АИТВ бойынша статистиканы мәлімдеді. Бүгінгі таңда облыста диспансерлік есепте тұрған және антиретровирустық терапия алатын 3 мыңға жуық адам тіркелген. 15 пен 24 жас аралығындағы топта таралу 0,49% және 15 пен 49 жас аралығында 0,73% құрайды. Біздің облыс АИТВ инфекциясының шоғырланған сатысында.

АИТВ-ның таралу жолдарына, соның ішінде парентералды және жыныстық қатынасқа ерекше назар аударылды.

Павлодар облысы ШҚО мен Қарағанды облысынан кейін АИТВ таралуы бойынша үшінші орында тұр. Бүгінгі таңда өңірімізде жыныстық жолмен берілетін жол – 46,4%, парентералды (инъекциялық препараттарды қолдану кезінде) – 50,8% құрайды.

– Барлық қызметтер, формасы мен ведомствосына қарамастан, инфекцияның таралуын болдырмауға белсенді қатысуы керек, өйткені бұл балалардың артында біздің болашағымыз, облысымыздың болашағы, еліміздің, әр отбасының болашағы тұр және біз салауатты өмір салтын насихаттауды неғұрлым ерте бастасақ, соғұрлым басымыз аман, деніміз сау болады. Белсенді күресті АИТВ-инфекциясымен ғана емес, бұл есірткіні тұтынудың қосымша проблемасы сияқты – нашақорлықпен, есірткі қылмысымен де күресу керек, – деп атап өтті Құралай Бараисова.

Педагог қоғамның, мектептің, полицияның, ата-аналардың, дәрігерлердің бірлескен күш-жігерімен ғана АИТВ және нашақорлық сияқты жас ұрпаққа төнетін қатерлерді жоюға болатынын айтты.

Серіктестік материал

Лицензия № 23011894 25.05.2023. «Қазақстан Республикасы Денсаулық сақтау министрлігі Медициналық және фармацевтикалық бақылау комитетінің Павлодар облысы бойынша департаменті» республикалық мемлекеттік мекемесі. Қазақстан Республикасы Денсаулық сақтау министрлігі.