Тәртіп сақшылары оны Павлодар – Успен автожолын патрульдеу кезінде байқаған, деп хабарлайды @Pavlodarnews.kz.

Облыстық полиция департаменті баспасөз қызметінің мәліметінше,  ол ата-анасы үй тапсырмасын тексеру кезінде тапсырманы дұрыс орындамағаны үшін ескерту жасағанын айтқан. Осылайша ата-анасына ренжіген бала үйден кетіп, Павлодар қаласына қарай бет алған. Ата-анасы қызының үйде жоқ екендігін тек полиция қызметкерлерінен білген.

– Аталған факті бойынша ата-аналарымен осындай  жағдайларды болдырмау туралы профилактикалық әңгіме жүргізілді. Заңды өкілдерге қатысты кәмелетке толмағандардың істері және олардың құқықтарын қорғау жөніндегі комиссияға жіберу үшін материал жиналды, – деді Павлодар облысы полиция департаменті патрульдік полиция ротасы қызметінің инспекторы Болат Жұмашев.

Айта кетейік, сондай-ақ қыздың ата-анасын ҚР ӘҚБтК-нің 127-бабы бойынша әкімшілік жауаптылыққа тарту туралы мәселе қаралмақ.