Шағын аудан тұрғындарын орталықтандырылған су және электр қуатымен қамту, кәріз мәселелері толғандырады, деп хабарлайды @Pavlodarnews.kz.

Қала әкімі Хасар Хабылбеков облыс орталығын аралау кезінде Авиақалашық тұрғындарымен кездесті. 

– Жағдайды зерделей келе, әріптестерімізбен бірге жаңа су құбыры мен электр желісін салып, оларды қолданыстағы желілерге қосуды шештік. Кәріз жүйесі біршама күрделірек, біз қолданыстағы кәріз желілерін қалалық коллекторға қосу мүмкіндігін анықтау үшін жобаны әзірлеушімен бірге мәселені егжей-тегжейлі зерттейтін боламыз,– деп атап өтті ол. 

Оның сөзінше, Авиақалашық тұрғындары сұраған ойын алаңын жарықтандырылатын болады.  Кездесу барысында көтерілген барлық мәселелер назарға алынды. Хасар Хабылбеков белгіленген іс-шаралардың орындалуын бақылауға алды.