Тәртіп сақшылары ұялы телефондарды сақтау ережелерін еске салады, деп хабарлайды  @Pavlodarnews.kz тілшісі.

Облыстық полиция департаменті баспасөз қызметінің мәліметінше, қала тұрғыны автобуста Samsung маркалы телефоны ұрланғаны жайлы шағыммен жүгінген.

– Жұмыстан келе жатып, жолда көзім ілініп кеткен еді.  Оянған кезде бір ай бұрын ғана сатып алған телефонымның жоғалғанын білдім, – дейді ол.

Қазіргі уақытта аталған қылмысқа қатысы бар адамдарды анықтауға бағытталған жедел-іздестіру іс-шаралары жүргізілуде. 

Полиция мобильді құрылғыларды сөмкеге немесе рюкзакқа салу керектігін, сондай-ақ, қараусыз қалған басқа біреудің телефонын немесе басқа да осындай гаджетті иемдену қылмыстық  жауапкершілікке тартуға әкелетінін еске салады.

Айта кетерлігі, жыл басынан бері облыс аумағында ұялы телефондарды ұрлаудың 219 фактісі тіркелген.