Павлодарда екі көлік соқтығысты
Жол апатында екі адам зардап шекті, деп хабарлайды @Pavlodarnews.kz.
Облыстық полиция департаменті баспасөз қызметінің мәліметінше, 15 мамырда Сәтбаев көшесі бойында Toyota Camry маркалы көлігі Volkswagen Golf көлігімен соқтығысқан.
Жедел жәрдемге хабарлама кешкі сағат 20:33-те түсті. Медициналық бригада оқиға орнына тоғыз минутта жетті. 35 жастағы ер адам мен 21 жастағы жігіт №1 қалалық ауруханаға жеткізілді.
Көліктер айып тұрағына қойылды. Полиция тексеріс жүргізуде.
