Ол Тараз тұрғындарынан ақша алған, деп хабарлайды @Pavlodarnews.kz.

Polisia.kz-тің мәліметінше, алаяқтық фактісі бойынша бірнеше тараздық полицияға арызданған. 

– Олардың айтуынша, белгісіз ер адам Ресей Федерациясынан арзан бағаға сиыр етін сатып алуды ұсынған. Жәбірленушілер келісіп, алаяққа 2020-2022 жылдар аралығында 200 миллион теңге аударған, – делінген хабарламада.

Павлодар полицейлері 36 жастағы күдіктіні ұстады. Ол өз кінәсін толық мойындады. Қазіргі уақытта уақытша ұстау изоляторына орналастырылды.

Аталған дерек ҚР ҚК-нің 190-бабы 4-бөлігі «Алаяқтық» бойынша тергеу амалдары жүргізіліп жатыр. 

Қазір күдіктінің осыған ұқсас басқа да қылмыстарға қатысының бар-жоғы тексерілуде.

Фото: Константин Шелков