Өтінімдер 2024 жылғы 18 желтоқсаннан бастап 23 желтоқсанды қоса алғандағы мерзімде қабылданады, деп хабарлайды @Pavlodarnews.kz тілшісі.

Павлодар қаласының тұрғын үй инспекциясы және коммуналдық шаруашылық бөлімі «Көпқабатты тұрғын үйдің ең үздік жаңа жылдық безендірілуі» номинациясы бойынша байқау жариялайды.

Аталған шара кондоминиум нысандарының жалпы мүлкін сақтау және күтіп ұстау мәселелері бойынша меншік иелерінің бастамаларын қолдау және дамыту, сондай-ақ қаланың шағын аудандарының сәулеттік келбетін жақсарту мақсатында өткізіледі.

Өтінімдерді Кривенко көшесі, 25, 706-кабинет мекенжайы бойынша жазуға болады. Сонымен қатар, өтінімді pavlodar701@mail.ru электронды поштасына немесе бөлімнің Instagram парақшасына жіберуге болады.

Байқау ережелерімен танысып, қатысуға арналған өтінімді Павлодар қаласы әкімдігінің ресми сайтындағы «Құжаттар» бөлімінде толтыруға болады.