«Somang» облыстық кәрістер қауымдастығы ұйымдастырған фестиваль Қазақстан халқы Ассамблеясының 30 жылдығы мен қауымдастықтың 35 жылдығына арналды, деп хабарлайды @Pavlodarnews.kz тілшісі.

Іс-шараның басында корейлік барабаншылар ансамблі «Самульнори» өнер көрсетіп, көрермендерге ерекше, шынайы атмосфера сыйлады. Фестивальге Павлодар, Астана және Екібастұздан келген 14 кавер-топ қатысып, жалпы 160 адам өнер көрсетті.

Әрбір команданың өнері көрермендерді керемет синхронды қозғалыстарымен, күрделі хореографиясымен және жарқын сахналық образдарымен тәнті етті. Өнер көрсетулер арасында көрермендер викториналар мен би баттлдарына қатысып, фестивальдің көңілді сәттерін толықтырды.

Іс-шараның соңында «Somang» қауымдастығының төрайымы Людмила Пак барлық қатысушыларды кәсіби және жарқын өнер көрсетулерімен құттықтап, осындай ауқымды алаңдарда жастар топтарының ынтымақтастығының маңыздылығын атап өтті.

Қазылар алқасының дауыс беру нәтижесінде Гран-приді «YTD» иеленді, бірінші орынды астаналық «HEEMANG CREW», екінші және үшінші орынды «ATD» және «Ritmix Dance Studio» жеңіп алды.

Фестиваль K-pop мәдениетінің дамуына елеулі үлес қосып, қатысушылар мен көрермендер үшін ұмытылмас оқиғаға айналды.