Сарапшылар қауіпке қарсы әрекет ету алгоритмдерін, эвакуациялау шараларын және қауіпсіздік саласындағы заңнама талаптарын талқылады, деп хабарлайды @Pavlodarnews.kz тілшісі. 

Ұлттық қауіпсіздік комитетінің АӘК департаменті мен Павлодар облысы бойынша Қазынашылық департаментінің өкілдерімен бірлесіп, терроризмге қарсы дайындық бойынша семинар өткізді. Қатысушыларға лаңкестік қауіп-қатер туындаған жағдайда әрекет ету тәртібі ескертілді, қауіпсіздікті қамтамасыз етудің өзекті аспектілері қарастырылды, мүмкін болатын төтенше жағдайлардың алдын алу бойынша практикалық ұсыныстар берілді. Төтенше жағдайларға әрекет ету бойынша тұрақты дағдыларды дамытуға ерекше көңіл бөлінді.

Қалалық емханалардың бірінде бөлек жиын өтіп, денсаулық сақтау нысандарын лаңкестікке қарсы қорғауды ұйымдастыру мәселелері талқыланды. Шараға Павлодар, Екібастұз, Ақсу және облыстың 10 ауданының мемлекеттік және жекеменшік медициналық мекемелерінің азаматтық қорғаныс және төтенше жағдайларды жою штабтарының бастықтары қатысты. Барлығы 42 маман қамтылды. Ұлттық қауіпсіздік комитеті мен Қорғаныс министрлігі Терроризмге қарсы күрес департаментінің өкілдері Қазақстан Республикасының «Терроризмге қарсы іс-қимыл туралы» Заңының және Медициналық объектілерді терроризмге қарсы қорғау жөніндегі нұсқаулықтың нормаларын түсіндірді. Әртүрлі қауіп сценарийлеріндегі жеке құрамның әрекеттері жан-жақты талданды: қарулы шабуыл, адамдарды кепілге алу, жарылғыш құрылғыларды пайдалану және т.б. Қатысушыларға күдікті мінез-құлықты анықтау, эвакуациялау мен қоршауды ұйымдастыру жолдары түсіндірілді.

Сонымен қатар, «Павлодар» бас мұнай айдау станциясында Ұлттық қауіпсіздік комитеті АӘК қызметкерлері «ҚазТрансОйл» АҚ және «ҚМГ-Секьюрити» ЖШС күзет компаниясының өкілдерімен семинар-кеңес өткізді. Талқылауға 40-қа жуық адам қатысты. Мамандарға нормативтік-құқықтық база, терактілер кезіндегі алғашқы ден қою және мемлекеттік органдармен өзара іс-қимыл алгоритмдері түсіндірілді, сондай-ақ күдікті мінез-құлық белгілерімен және қауіптерді жылдам оқшаулау әдістерімен таныстырылды.

Іс-шаралардың қорытындысы бойынша ұйымдастырушылар антитеррорлық сауаттылықты жүйелі түрде арттырудың маңыздылығын атап өтті және мұндай кездесулер барлық деңгейде қауіпсіздіктің тиімді жүйесін дамытуға ықпал ететініне сенім білдірді.