Қоғамдық бірлестік өкілдерін қара түсті киіз үй таң қалдырды, деп хабарлайды @Pavlodarnews.kz тілшісі.

«Әділдік жолы» республикалық қоғамдық бірлестігі облыстық филиалының басшысы Нұргүл Қайырденованың мәліметінше, әлеуметтік желіде Назарбаев даңғылында орналасқан этнографиялық аллеяда қуыршақтардың суреті туралы сыни пікірлер көптеп жарияланды. Қалалық әкімдік бұл сынға жауап беріп, бұл аллеяның тұрғын үй коммуналдық шаруашылық бөлімінің қарамағында екенін түсіндірді, сондай-ақ жағдайды жергілікті суретшінің түзейтінін түсіндіріп, кейінірек жергілікті порталда қалпына келтірілген қуыршақтардың суреттерін жариялады. 

Қоғамдық бірлестіктің өкілдері қызығушылық танытып, «матрешкалардың» және аллеяның жағдайын тексерді.

– Аллея құру идеясы жақсы болды. 2011 жылы ҚР тәуелсіздігінің 20 жылдығына ашылғанда ол мүлде басқаша көрінді. Бұл қаланың көрікті жерлерінің бірі болды деп айтуға болады. Өкінішке орай, бүгінде аллея ондай емес, – дейді Нұргүл Қайырденова.

Оның айтуынша, мемлекеттік сатып алулар порталы зерттелді: байқау өте жабық, жеткізу орны көрсетілмеген, конкурстық құжаттамада «суретші, эскизші» және тағы басқалары қарастырылмаған, шағын пішіндердің алдын ала жобасы жоқ, техникалық шарттар өте нашар жазылған.

– Байқау құжаттары бойынша жоспарланған сома 4 067 857 теңгені құрады. 29 ақпан күні 2 756 123 теңгені ұсынған «Жаныл и Ко» жеке кәсіпкерлігімен келісім-шарт жасалды. Содан кейін 26 сәуір күні қосымша келісім жасалып, сома 2 756 123 теңгеден 4 067 857 теңгеге, яғни бюджеттен бөлінген сомаға ұлғайтылды. Соманың ұлғайтылу себебі белгісіз, – делінген хабарламада. 

Азаматтық-келісімшарт порталының мәліметінше, келісім-шарттың барлық сомасына орындалған жұмыстардың электронды анықтамалары орналастырылған.

– Сонымен қатар, шарт талаптары мен азаматтық заңнама нормаларына сәйкес 10 жұмыс күні ішінде қарастырылуы тиіс, ал порталда шарттың орындалуын қамтамасыз ету 18 сәуірде бекітілген. Бірақ келісім-шарт 29 ақпан күні жасалған. Қалалық ТҮКШ бөлімінің келісім шарт талаптарын орындамағаны үшін мердігермен келісімшартты неге бұзбағаны түсініксіз, – деп наразылығын білдірді Нұргүл Қайырденова. 

«Матрешкалардың» жағдайы нашар. Өз ісінің мамандары ескі бояуды алып тастап, жаңа бояуды жағушы еді, ал суретші ескі бояудың үстінен жаңасын жаққан.

Сондай-ақ Әзірбайжан Республикасының шағын бұрышында ел картасы және Баку қаласының «Ежелгі бекініс ғимараты» жағалау бөлігіндегі «Қыз мұнарасының» кішірейтілген үлгісі орналасқан. Алайда олардың ешқандай анықтауыш таңбасы жоқ. 

– Ең қорлайтыны – аллеяның ортасында тұрған, қара түске боялған киіз үй. Қазақтың киіз үйі – қазақ халқының сан ғасырлық мәдениетінің өзіндік квинтэссенциясы және ешқашан қара түспен безендірілмеген. Оларды тізіп алсаңыз, бұл аллеяда мұндай бұрыштар көп және олардың бәрі мұңды көрінеді, – деді қоғамдық бірлестік филиалының басшысы.

Сонымен қатар, аллеяда көгалдар мен гүлдер мүлде жоқ.