Төлемақы көлемі – 8 625 теңге, деп хабарлайды @Pavlodarnews.kz тілшісі.

Павлодар қаласы жұмыспен қамту және әлеуметтік бағдарламалар бөлімінің хабарлауынша, мереке қарсаңында 18 жасқа дейінгі мүгедектігі бар балаларға 8 625 теңге көлемінде жаңа жылдық тәтті сыйлықтар үшін бір реттік әлеуметтік төлемақы беріледі.

– Төлемдер жеке шотыңызға автоматты түрде түседі, сондықтан ешкімге  хабарласудың қажеті жоқ, – дейді бөлімде. 

Айта кетерлігі, бүгінгі таңда облыс орталығында мүмкіндігі шектеулі 1845 бала бар.

Қосымша ақпаратты Кривенко көшесі, 25 «Open Pavlodar» фронт-офисі мекенжайы бойынша (19 үстел)  алуға болады.