Технологиялық жабдықтың ақауы жойылды, деп хабарлайды @Pavlodarnews.kz тілшісі.

 «Павлодар Водоканал» ЖШС баспасөз қызметінің мәліметінше, ақаулар 21 маусым күні сағат 21:00-де жөнделді.

– Қалаға су беру қалпына келтірілді. Қазіргі уақытта сумен жабдықтау жүйесінің тарату желілері толтырылуда. Жақын арада павлодарлықтардың үйлерінде сумен жабдықтау қалпына келтірілетін болады. Келтірілген қолайсыздықтар үшін тағы да кешірім сұраймыз және тек тексерілген ақпаратқа сенуді сұраймыз, – деді баспасөз орталығында.

Естеріңізге сала кетейік, бүгін Оңтүстік су жинау станциясында 1-ші көтергіш сорғы жабдығы ажыратылып, Павлодар қаласы бойынша су беру қысымы төмендеген болатын.