Азық-түлік тауарларының бағасын тұрақтандыру мақсатында кезекті жәрмеңке ұйымдастырылады, деп хабарлайды @Pavlodarnews.kz тілшісі.

Облыстық ауыл шаруашылығы басқармасының мәліметінше, 17 ақпан күні ауыл шаруашылығы жәрмеңкесін өткізу жоспарлануда.

Жәрмеңкеге Железин, Павлодар, Шарбақты аудандары мен Павлодар қаласының тауар өндірушілері қатысады:

• шикі сүт Тереңкөл ауданының «Астық ПВ» ЖШС фермерлер базарының ішіне жеткізіледі. Ауа райының нашарлауына байланысты көше қатарларында шикі сүтті сату жоспарланбайды;
• тауық жұмыртқасын «Павлодар-Құс» ЖШС, «Шарбақты-Құс» ЖШС жергілікті құс фабрикалары қамтамасыз етеді.

Өтетін орны: Торговая көшесі, 2а құрылыс. 

Сенбі күндері осындай жәрмеңкелер Екібастұз («Халық» базарында), Ақсу(«Ауыл базары») қалаларында, сондай-ақ облыстың 10 ауылдық ауданында ұйымдастырылады.