Астана күні мен Домбыра күні тойланды, деп хабарлайды @Pavlodarnews.kz тілшісі.

Достық үйінің шығармашылық ұжымдары Астана күні мен Домбыра күні қарсаңында трамвай жолаушыларына көтеріңкі көңіл-күй сыйлады.

Татар этномәдени бірлестігінің «Чишмя» вокалдық ансамблі мен «НҰР АНА әлемі» қоғамдық бірлестігінің «Ару-Ана» тобы қазақ және татар тілдеріндегі танымал әндерді орындап, жолаушыларға ерекше көңіл-күй сыйлады.

Мерекелік көңілді еселей түскен тағы бір тосынсый дәстүрлі қазақ тағамы құрттан дәм таттыру болды.

Жолаушылар да өз кезегінде жылы эмоцияларын жасыра алмады – шын көңілмен қол соғып, сүйікті әндерге қосылып, қуанышты сәттерді телефондарына түсіріп жатты.

Осындай шынайы көңілге толы сапар баршаға ерекше әсер мен шын мәніндегі мереке атмосферасын сыйлады.