Қатарға жаңадан қосылған қызметкерлерге анттарына адал болуға тіледі, деп хабарлайды @Pavlodarnews.kz.

Облыстық полиция департаменті баспасөз қызметінің мәліметінше, қаза тапқан қызметкерлерді еске алу мемориалында әскерге шақырылушылар азаматтардың құқығы мен бостандығын құрметтеуге және қорғауға, қызметтің қиыншылықтарына табандылықпен төзуге ант берді.

Жеке құрамға құттықтау және қоштасу сөздерімен қалалық полиция басқармасының бастығы Мәлік Оңғарбаев сөз сөйледі. Ол ант – бұл халыққа қызмет етуге адалдықтың қасиетті анты екенін және оған барлық жерде және әрқашан адал болу керек екенін атап өтті. 

– Сіздерге азаматтардың қауіпсіздігін қамтамасыз ету және майданда жанқиярлықпен күресу жауапкершілігі жүктеледі. Әрқайсыларыңыз жүректің шақыруымен полиция қатарына қосылдыңыздар. Ант пен халқыңызға адал болыңыз, – деді Ардагерлер кеңесі мен Ұлттық Ұланның төрағасы Бақберді Абраев жас қызметкерлерге.

Полиция кіші сержанты Әсем Уақ үшін ант қабылдау күні есінде қалары сөзсіз. 

– Мен үшін бұл ерекше күн, өйткені ант қабылдау – өмірдегі ең маңызды сәт. Погон кию – менің балалық шағымның арманы, ал бүгін менің арманым орындалды. Біз нағыз полицей болдық. Мен Отан алдында адал қызмет етемін, қылмысқа қарсы күресте әрдайым жұмыс істеймін және елдің тыныштығын сақтауға өз үлесімді қосамын, – дейді ол. 

Офицерлер мен сержанттар азаматтардың тыныштығын қорғап, қызметтік міндеттерін атқару кезінде қаза тапқан ішкі істер органдарының қызметкерлері – Ахметқали Тезекбаев, Ербол Сембаев, Ерлан Нұржанов, Мейрам Дәулетов, Қанат Сармантаев, Асылбек, Бижанов, Фарид Қақабаев, Харки Арлиды бір минуттық үнсіздікпен еске алды. 

– Менің ұлым милиция мектебін бітіріп, өте жас кезінде қайтыс болды, ол 21 жаста еді. Мен оны әлі күнге дейін еске алып, құрметтейтін әріптестеріне алғысымды білдіремін, – деп атап өтті Асылбек Бижанов марқұмның анасы.

Шара соңында Павлодар полициясының басшылығы мен жеке құрамы, ардагерлер мен қаза тапқан қызметкерлердің отбасылары гүл шоқтарын қойды.