Павлодарда жылу желісінен ақау шықты
Апат орын алған жерде жөндеу жұмысы жүргізілуде, деп хабарлайды @Pavlodarnews.kz.
"Павлодарэнерго" АҚ-ның мәлімдеуінше, диаметрі 400 мм тоқсандық жылу желісінің зақымдануы №4 сорғы станциясын іске қосу кезінде пайда болды.
- Коммуналдық қызметтер апаттық учаскеде су беруді тоқтатты. Жөндеу бригадалары зақымдалған жерде жұмыс істеуде, - делінген хабарламада.
Айта кетелік, Мүткенов көшесінде атқылап жатқан ыстық субұрқақтың жоғары температурасы 65 градус.
