Павлодарда жүргізуші бетонды блокқа соғылды
Жүргізушіге медициналық көмек керек болған, деп хабарлайды @Pavlodarnews.kz тілшісі.
Облыстық полиция департаменті баспасөз қызметінің мәліметінше, сағат 15:00 шамасында Ломов көшесінің бойында «Lexus» маркалы автокөлігін тізгіндеген әйел бетонды блокқа соғылған.
– Аталмыш жол-көлік оқиғасы салдарынан жүргізуші медициналық көмекке жүгінді,– деді департаментте.
Автокөлік айып тұрағына қойылды. Полиция сараптама тағайындап, тергеу жүргізуді бастады.
