Ол қауіптіліктің бірінші дәрежесінде, деп хабарлайды @Pavlodarnews.kz.

Павлодар облысы бойынша экология департаментінің мәлімдеуінше, "Қазгидромет" 5 қазан сағат 21:00-ден бастап 7 қазан сағат 9:00-ге дейін қауіптіліктің бірінші дәрежелі қолайсыз метеорологиялық жағдайлары жарияланды.

- Қолайсыз метеорологиялық жағдайлар (ҚМЖ) - атмосфералық ауаның жер қабатында зиянды ластаушы заттардың жиналуына ықпал ететін қысқа мерзімді метеорологиялық факторлардың жиынтығы. ҚМЖ басталған кезде кәсіпорындармен өзара іс- қимыл туралы меморандумға сәйкес, дауылды ескерту кезінде 1-санаттағы кәсіпорындар атмосфераның жер қабатындағы ластаушы заттардың концентрациясын 15-20%-ға төмендетуге міндетті, - делінген хабарламада. 

Департамент ластаушы заттар шығарындыларын азайту жөніндегі іс-шаралардың орындалуын бақылауды тұрақты негізде жүзеге асырады.

Павлодар қаласындағы атмосфералық ауаның жай- күйіне мониторингті 7 бақылау бекетінде «Қазгидромет» РМК жүргізеді:

- №1 бекет-Камзин және Чкалов көшелерінің қиылысы

- №2 бекет-Айманов көшесі, 26

- №3 бекет-Ломово көшесі

- №4 бекет-Қаз.Правды көшесі

- №5 бекет-Естая көшесі, 54

- №6 бекет-Затон көшесі, 39 

- №7 бекет-Ген.Дүйсенов және Торайғыров көшелерінің қиылысы.