Тәртіп бұзушы әкімшілік жауапкершілікке тартылды, деп хабарлайды @Pavlodarnews.kz тілшісі.

Ломов көшесінде бірнеше адам жаяу жүргіншілер өткелі арқылы жолдан өтпек болған. Екі жолаушы көлігін тоқтатып, жаяу жүргіншілерді өткізген. Күтпеген жерден олардың арасынан «ГАЗель» автокөлігі пайда болып, жаяу жүргіншілердің жолын кескен. Абырой болғанда бірі екіншісін жылдам артқа итеріп жіберіп, оның өмірін сақтап қалды.

– Апатты жағдайға әкеп соқтырған әрі жол қозғалысы ережелерін бұзған, жаяу жүргіншілерге жол бермеген жүргізуші әкімшілік жауапкершілікке тартылып, автокөлік айып тұрағына қойылды, – деді полиция департаментінде.

Ал, әлеуметтік желілерде желі қолданушылары «жолды өтіп жатқанда, екі жаққа да қарауға», сондай-ақ «мұндай жүргізушілерді өмір бойы жүргізуші куәлігінен айыруға» кеңес беруде.

Посмотреть эту публикацию в Instagram

Публикация от ТИПИЧНЫЙ ПАВЛОДАР (@ti.pavlo)