Павлодарда өнеркәсіптік ағындарды қалай тазартады?
Химиялық заттар шаһарда жасалады, деп хабарлайды @Pavlodarnews.kz тілшісі
«ASCOR» өндірістік бірлестігінің реагенттер өндіру цехының шебері Александр Ряписовтың айтуынша, химиялық тазартқыштарды жасау кезінде концентрацияланған тұз қышқылы мен алюминий гидроксиді қолданылады. Бұл реагент деп аталады.
Бүгінгі таңда химиялық затты өндіретін кәсіпорында 30-дан астам адам қызмет етеді.
Нарықта 10 жылдан астам уақыт жұмыс істеп келе жатқан компанияға өткен жылы коагулянттар мен коррозия ингибиторларын – суды тазартатын реагенттерді өндіру үшін шикізат сатып алуға ақша қажет болған. Несие мемлекеттік қолдаумен мақұлданып, кәсіпкер мөлшерлемесі 8 пайызбен қаражат алған.
– Біз шығаратын химиялық өнімдер суды тазартуға мүмкіндік береді. Композициялық коагулянттар өндірісін игере отырып, кәсіпорнымызда коррозия және тұз тұндыру ингибиторларымен жұмыс істей бастадық. Сонымен қатар өндірістік және ағынды суларды тазарту технологияларын зерттеудеміз, – дейді Александр Ряписов.
Айта кетерлігі компанияның өнімдерін Павлодарда – «FoodMaster» және «ҚазСуШар», «Ertis Su», Ақтөбеде – ферроқорытпа зауыты, Өскеменде – Бақыршық тау-кен өндіру кәсіпорны және Курчатовта «Обогатительная фабрика» филиалы пайдаланады. Дайын сұйықтық 50 текше контейнерлерге құйылып, тапсырыс берушіге жеткізіледі.
:max_bytes(150000):strip_icc():focal(679x338:681x340)/dolph-lundgren-rockyIV-072922-1-acdd0970ed784184a6be5b9643f4a016.jpg)