Қаланың негізгі жылу көздерінде жабдықтар қайта жаңартылуда, деп хабарлайды @Pavlodarnews.kz тілшісі.

«Павлодарэнерго» АҚ Табиғи монополияларды реттеу комитеті облыстық департаментінің өкілдері мен қоғам қайраткерлерінің қатысуымен ЖЭО-3 және ЖЭО-2-де баспасөз турын ұйымдастырды. 

Инвестициялық жобаларды іске асыру туралы акционерлік қоғамның бас директорының бірінші орынбасары Вадим Лесин айтып берді. 2024 жылғы инвестициялық бағдарламаны іске асыруға негізгі іс-шаралар бойынша 1,8 миллиард теңге жоспарланған: ЖЭО-2 үшін екінші кезектегі күл үйіндісін салу, ЖЭО-3 №1, 2 химиялық цехтарында ағартқышты қайта жаңарту. «Тариф инвестицияға айырбастау» жобасы бойынша екі миллиард теңгеден астам қаражат бөлінді: бұл ЖЭО-3-те ПКЗ-420 және ЖЭО-2-де ПКЗ-160 қазандық агрегатының ауа жылытқыштарының текшелерін қайта құру.

- Бұл жұмыстардың барлығы станция жұмысын күшейтіп, қазандық агрегаттарының негізгі элементтерінің тозуын азайтуға арналған, бұл станциялар жұмысының тұрақтылығын және қысқы максимумнан өту кезінде тұтынушыларға жылу беруді арттырады, - дейді Вадим Лесин. – ЖЭО-3 – Павлодар облысындағы ең ірі жылу станциясы және Қазақстандағы үздіктердің бірі. Тозуға келетін болсақ, қолданыстағы әдіс станциялардың жағдайын толық бағалауға мүмкіндік бермейді.

«Павлодарэнерго» АҚ бас директорының орынбасарының айтуынша, қазіргі стандарттар бойынша ЖЭО-3-тің тозуы 83-87 пайыз, ал ЖЭО-2 – 73-74% деңгейінде, бірақ бұл жерде тек қазандық агрегаттары мен турбиналар туралы есепке алынып, станциялардың қалған құрамдас бөліктері: ғимараттар, құбырлар, құрылыстар, қосалқы жабдықтар, түтін сорғыш, диірменді әдістеме ескермейді. Сондықтан «Павлодарэнерго» АҚ Үкіметке тозуды есептеу әдісі ретінде барлық жабдықтарды бухгалтерлік есепке алуды ұсынуда.

№4 цех бастығы Олег Григорьев ЖЭО-3-те суды тазартқыштардың жұмысы туралы егжей-тегжейлі айтып берді. Процесс Ертістегі суды кірден, шөгінділерден тазартуды және оған қажетті химиялық және физикалық қасиеттер беруді қамтиды. Осыдан кейін Павлодар жылу желісіне су құйылады. 

Бұдан басқа, ЖЭО-3-те 3, 5 және 6 қазандықтарды қайта жаңарту және оларды жаңа түтін құбырына жұмысқа ауыстыру аяқталуда. Жарты ғасыр бойы станция тек құбырмен жұмыс істеді. ЖЭО-3 жетекші инженері Сергей Богомолов атап өткендей, нәтижесінде келесі жылы №1 құбырды жөндеу мүмкіндігі пайда болады. Бұл ретте электр және жылу энергиясын өндіру сақталатын болады.