Жол таңбаларын салу жұмыстарына байланысты бірқатар орталық көшелер жабылады, деп хабарлайды @Pavlodarnews.kz тілшісі.

Қалалық тұрғын үй-коммуналдық шаруашылық, жолаушылар көлігі және автомобиль жолдары бөлімінің мәліметінше, шектеулер 30 сәуір күні күшінде болады.

Жөндеу бригадалары бір мезгілде бірнеше учаскеде жұмыс істейді. Атап айтқанда, Академик Бектұров көшесінің Лермонтовтан Естай көшесіне дейінгі бөлігінде қозғалыс тоқтатылады.

Сонымен қатар, Сұрағанов көшесі бойымен Нұрмағамбетовтен Лермонтовқа дейінгі аралық және Аймауытов көшесінің Сұрағановтан Ресей көшесіне дейінгі бағыты жабық болады.

Ведомство келтірілген қолайсыздықтар үшін қала тұрғындары мен қонақтарынан кешірім сұрайды. Жүргізушілерге кептеліске тап болмау үшін жүру бағыттарын алдын ала жоспарлау ұсынылады. Жұмыстар аяқталған соң жолдар қайта ашылады.