1 мамыр – Қазақстан халқының бірлігі күні барлық бөлімшелер үшін демалыс болады, деп хабарлайды @Pavlodarnews.kz тілшісі.

Компанияның баспасөз қызметі мәлімдегендей, 2 мамыр күні облыс орталығында үш мекенжай бойынша мамандар тұрғындарды қабылдайды. Кривенко, 27 және Ломов, 160 көшелеріндегі орталықтар сағат 9:00-ден 14:15-ке дейін, ал Академик Сәтбаев, 101 мекенжайындағы пункт 13:45-ке дейін ашық болады.

Ақсу қаласында сенбі күні екі пункт жұмыс істейді. Вокзал көшесі, 11 және Қамзин көшесі, 33 мекенжайларында орналасқан орталықтар таңғы сағат 9:00-ден күндізгі 14:00-ге дейін қызмет көрсетеді.

Мамандар уақытты үнемдеу үшін төлемдерді онлайн форматта жүргізуге кеңес береді. Тұрғындар Kaspi.kz, Halyk мобильді қосымшаларын немесе Kassa24 терминалдарын пайдалана алады.

Жеке кәсіпкерлер үшін де қашықтықтан төлеу мүмкіндігі қарастырылған. Олар компания қызметтері үшін ақыны Kaspi.kz немесе Kaspi Pay қосымшалары арқылы деректемелер бойынша аудара алады.