Жас суретшілердің «Менің жерім – менің елім» республикалық қашықтықтан байқауын ҚР Білім Министрлігінің қосымша білім берудің республикалық оқу-әдістемелік орталығы өткізді, деп хабарлайды @Pavlodarnews.kz. 

Павлодар қаласы білім беру бөлімінің мәліметінше, байқау «Балалық шақ әлемі», «Мен білетін Қазақстан», «Менің арманым», «Туған өлкенің табиғаты» номинациялары бойынша 7-10 жас,11-14 жас, 15-17  жас санатында өткізілді.

– Республикалық жарыста мектептің 5 оқушысы жеңімпаз атанды: Фарида Абдиева – «Велосипедпен жүру», Мерей Амангелді –  «Жаңбыр серуендеуге кедергі емес», Элина Литвиненко – «Баянауылда» жұмысы, Аружан Сарбасова –  «Туған жер» жұмысымен және Александра Шароварова «Пикник» суреттерімен жеңіске жетті, – делінген хабарламада.

Сонымен қатар Павлодар қаласының 10 жас суретшісі екінші және үшінші орындарға ие болды.