Өрт 12 минут ішінде толықтай сөндірілді, деп хабарлайды @Pavlodarnews.kz.

Облыстық ТЖД баспасөз қызметінің мәліметінше, таңғы сағат 06:25-те Қамзин көшесі бойында тұрған автокөліктің жанғаны туралы хабарлама келіп түсті. Мекенжайға жедел түрде өрт сөндіру есептері жіберілді.

Шақыру орнына келгеннен кейін автотұрақта «Мерседес» және «Тойота» маркалы екі көліктің өртенгені анықталды.

Өрт сөндірушілер жалпы ауданы 5 шаршы метр алаңында өртті сөндіруге жедел кірісті. Сағат 06:37-де өрт толықтай жойылды және өрттің басқа объектілерге таралуына жол берілмеді.

ТЖД күштері мен құралдарынан 10 адам және екі техника жұмылдырылды. Өрттің себебі анықталуда.