Облыстық №1 перинаталдық орталықтың дәрігерлері де акушерлік көмектің басқа да маңызды аспектілері туралы егжей-тегжейлі баяндады, деп хабарлайды @Pavlodarnews.kz тілшісі.

Орталықта Денсаулық күніне арналған Ашық есік күні өтті. Болашақ аналар алдында акушерлік бөлімнің үйлестірушісі Любовь Ходырева, акушер-гинеколог Еркежан Мұқашева, бала емізетін медбике Тимербиға Нәскенова және т.б.

Мамандар баланың дені сау болуы, баланы дұрыс емізу, алаңдатарлық белгілер, уақтылы ультрадыбыстық зерттеу, екпе жасау, физиологиялық және патологиялық сарғаюдың айырмашылығы, емізуді ынталандыру және басқа да көптеген маңызды тақырыптарды еске салды.

Тимербиға Нәскенова серіктестік босану тәртібіне кеңінен тоқталды. Маманның айтуынша, серіктестің моральдық тұрақтылығы бұл аспектіде ерекше маңызды. Сондай-ақ, серіктес босану үшін қалай киіну және өзіңізбен бірге не алу керектігі туралы айтылды.

- Серіктес қолайлы психологиялық ахуал туғызып, болашақ ананың жағдайына қамқорлық жасай алуы маңызды. Ол бүкіл босану кезінде немесе тек толғақ кезінде болуы мүмкін. Бала туу өте ұзақ процесс, ол 12 сағатқа дейін созылуы мүмкін. Сондықтан тамақ пен суды өзіңізбен бірге ала аласыз, дейді Тимербиға Нәскенова.

Болашақ аналар баяндамашылардың сөздерін мұқият тыңдап, өздерін қызықтырған сұрақтарын қойып, оларға толық жауаптар алды.