Алина Салихова кәсіпорында жұмыс істеп келе жатқанына бір жылдан аспаса да, бойындағы шығармашылық қабілетімен ерекшеленіп үлгерген, деп хабарлайды @Pavlodarnews.kz тілшісі.  

Ол тек қораптар, жапсырмалар мен жарнамалық өнімдердің макеттерін әзірлеумен шектелмейді, гофрокартоннан жасалған бірегей картиналар арқылы өндірістік материалды нағыз өнер туындыларына айналдырып жүр. 

– Композицияларды жасауға шамамен екі ай уақыт кетті. Екі жұмысым   италиялық дәуірдің шеберлері Густав Климт пен Альфонс Муханың картиналарына негізделген. Ал үшінші туынды — менің авторлық эскизім, – дейді Алина. – Картоннан бөлшектер кесіліп, акрилмен боялып, тастармен және басқа да элементтермен безендірілді.

Алинаның негізгі қызметі – түрлі тапсырыс берушілерге арналған қаптама дизайнын жасау. Оның көптеген жұмыстары қазірдің өзінде өндірісте қолданылып жүр. Мысалы, AV Cosmetics косметикалық өнімдерінің қаптамасы мен жаңғақ тасымалдауға арналған қораптар.

Алина Салихованың шығармашылыққа негізделген көзқарасы өндірістік ортада да өнерге орын бар екенін көрсетеді. Шабыт пен идеяны тіпті қаптама материалының өзінен де табуға болады.