Әзірге Үкіметтің күн тәртібінде екі үлкен мәселені шешетін тағы бір жоба бар, деп хабарлайды @Pavlodarnews.kz тілшісі. 

ҚР Су ресурстары және ирригация министрлігінің жоспарлары туралы айта отырып, жаңа Су кодексін құрумен және іргелес мемлекеттермен су көлемін қалыптастыру туралы келіссөздермен қатар, ведомство басшысы Нұржан Нұржігітов жаңа су қоймаларының құрылысы туралы айтты.

 – Көктемде ауыл шаруашылығында және экономиканың басқа салаларында сақтап, пайдалануға болатын өте үлкен су көлемі қалыптасады, – деді министр. – Су қоймасы екі үлкен мәселені шешеді: су тасқынының салдарын азайту және жылдан жылға қысқарып келе жатқан су көлемін сақтау. 

Нұржан Нұржігітовтың айтуынша, су қоймасы шамамен 2,5 текше шақырым су жинауға мүмкіндік береді. Салыстырмалы түрде қарайтын болсақ, Бұқтырма су қоймасында 49 текше шақырым су бар. Ал Қазақстанда барлығы 90 миллиард текше метрге дейін су жинайтын 400-ден астам су қоймасы кездеседі. 

«Эком» қоғамдық бірлестігінің басшысы Светлана Могилюктің пікірінше, су қоймаларының орнына су ресурстарын азайтып, оны жақсы сақтауға мүмкіндік беретін жасырын резервуарлар салуды ұсынды. 

– Бұл – экономикалық тұрғыдан өте қымбат құрылыс, – деп мойындады министр. 

Алайда, ол алдымен есептеулер жүргізу керек екенін, сондай-ақ аз көлемді резервуар салуға болатынын айтты.