Міндеттемені сақтамау денсаулықтың айтарлықтай нашарлауына алып келуі мүмкін, деп хабарлайды @Pavlodarnews.kz.

Облыстық АИТВ-ның алдын алу орталығының мамандарының айтуынша, емге деген міндеттеме мыналарды қамтиды:

• антиретровирустық терапияны (АРТ) дәрігер белгілеген схема мен дозада тұрақты қабылдау;
• дәрігерге жоспарлы түрде барып, тексерулерден өту;
• маманмен ашық әрі сенімді қарым-қатынас орнату;
• салауатты өмір салтын ұстану және дұрыс тамақтану.

– Емдеу тәртібін сақтау – АИТВ жұқтырған науқастың өмір сүру ұзақтығы мен сапасына тікелей әсер ететін маңызды факторлардың бірі. Бұл – вирустың қандағы деңгейін төмендетіп, иммундық жүйенің қалпына келуіне мүмкіндік береді, – деді облыстық АИТВ-ның алдын алу орталығында.

Мамандар АИТВ инфекциясын ерте анықтау – сәтті әрі нәтижелі емдеудің негізгі кепілі екенін еске салады. Уақытылы тестілеу, дәрігер кеңесін тыңдау және өз денсаулығына ұқыптылық АИТВ диагнозымен де толыққанды өмір сүруге мүмкіндік береді.

Серіктестік материал

Лицензия № 23011894 25.05.2023. «Қазақстан Республикасы Денсаулық сақтау министрлігі Медициналық және фармацевтикалық бақылау комитетінің Павлодар облысы бойынша департаменті» республикалық мемлекеттік мекемесі. Қазақстан Республикасы Денсаулық сақтау министрлігі.