Бөлме өсімдіктеріне күтім жасау жөніндегі маман Ирина Платенко @Pavlodarnews.kz тілшісіне берген сұхбатында пәтерге қандай өсімдіктердің қолайлы екендігі туралы айтып берді.

– Пәтерге үй өсімдіктерін таңдағанда ең бастысы – қателеспеу. Үйде кактустарды өсірмеген дұрыс. Бұл – басты кеңестердің бірі,  – дейді флорист.

Оның айтуынша, кактус – кеңсе өсімдігі. Ол тек бизнесте сәттілік әкеледі. Барлық ережелер бойынша үй үшін қолайлы емес болып саналады. Негізі фэншуйде де солай. Сонымен қатар, кактустың тікенектері  жаман ассоциацияны білдіреді. Әсіресе жатын бөлмесінде кактустарға жол берілмейді.

 – Шындығында, олардың тікенектері ілмек түрінде өседі, оны алу оңай болмайды. Егер иненің бір бөлігі теріде қалса, қабыну басталуы мүмкін, - дейді ол.

Егер сіз кактуссыз өмірді елестете алмасаңыз, оны компьютер мониторының жанына қойыңыз. Себебі, кактустар радиацияны сіңіреді деп есептеледі. Олар шөлдегі күн сәулесіне үйренген. Қазіргі уақытта мониторлар зиянды ештеңе шығармайды, бірақ кактустар қандай да бір себептермен олардың жанында жақсы өседі.

Адамдарға  қауіп төндіретін кейбір өсімдіктер терезелерде әлі де орналастырылған. Мысалы, эйфорбия тұқымдасының өкілдері жапырақтары зақымдалған кезде сүтке ұқсас жабысқақ шырын шығарады және балдырған сияқты күйік тудырады.

Диффенбахия өсімдігінің шырыны да аллергиялық және улы. Оның параличтік қасиеттері бар. Олеандр шырыны да зиян тигізуі мүмкін, ол әдетте оңтүстік аймақтарда көшеде өседі. Бірақ кейбір әуесқойлар пәтерде гүл өсіруді үйренген.

Маманның айтуынша, өмір сапасын жақсарту үшін қазтамақ өсімдігін мұқият қарастырған жөн. Ол көмірқышқыл газынан ауаны қарқынды тазартады, ал бұл өнімділікті арттырады. Алайда флорист ақша ағашын ең тиімді инвестиция деп санайды. 

– Ақша ағашы ас үйде болуы керек. Бұл әл-ауқат әкеледі және ақшаны тартады,  – дейді флорист.

Ирина Платенконың флористикадағы мансабында гүлдермен   үйлесімді болуды үйренген. Керемет тепе-теңдікті тауып, сұлулықты ең қиын нәрселерден де көреді. Сондай-ақ, сатылатын өсімдіктердің барлығын қорықпай сатып ала беруге болмайтынын ескертті. Себебі, күтім жасау кезінде ерекше күтімді қажет ететін, зиянды әрі пайдалы өсімдіктер бар.