Шымкент қаласындағы Shymkent Shooting Plaza спорт кешенінде нысана көздеу спортынан XVI Азия чемпионаты өтті, деп хабарлайды @Pavlodarnews.kz тілшісі.

16-30 тамыз аралығында өткен чемпионатқа Азияның 26 елінен, соның ішінде Үндістан, Қытай, Оңтүстік Корея және Жапониядан 800-ге жуық спортшы қатысты.

Жарыс барысында спортшылар пневматикалық тапаншамен 10 метр, тапаншамен 25 және 50 метр, сонымен қатар винтовкамен 10 және 50 метр қашықтықтарда нысана көздеді. Барлық дисциплиналар бойынша, жеке және командалық есепте жалпы саны 700-ден астам медаль сарапқа салынды.

Павлодар облысының жоғары спорт шеберлігі мектебінің спортшысы Кирилл Федькин жасөспірімдер арасында тамаша нәтиже көрсетті. Ол жеті медаль, оның ішінде жеке есепте «алтын» медаль жеңіп алды.