Экскурсия барысында оларға арнайы жасақтың техникасы, жабдықтары мен қарулары көрсетілді, деп хабарлайды @Pavlodarnews.kz тілшісі.

№6 мектеп оқушылары облыстық полиция департаментінің жылдам әрекет ету арнайы жасағына экскурсиямен барды.

– Экскурсия барысында оқушыларға арнайы жасақтың техникасы, жабдықтары мен қарулары көрсетілді. Жылдам әрекет ету арнайы жасағының қызметкерлері жоғары физикалық дайындықты, тәртіпт пен батылдықты талап ететін қызметтің маңызды қырлары туралы айтып берді, – деді департаментте. 

Оқушылар өздерін нағыз арнайы жасақ сарбазы ретінде сезініп, оқ өтпейтін кеудеше  мен дулыға киіп көрді. Тәртіп сақшылары мұндай іс-шаралар құқық қорғау органдарының еңбегіне деген құрметті қалыптастырып, жастардың патриоттық рухын арттыратына сенімді.