Жан Әділов конкурсқа Абай Құнанбаевтың «Күз» өлеңін жатқа оқыған бейнематериалын ұсынды, деп хабарлайды Pavlodarnews.kz.

Қалалық білім беру бөлімінің мәліметінше, байқауды республикалық оқу-шығармашылық «Akberen Education» журналы ұйымдастырды. Оған Павлодар қаласы білім беру бөлімінің «Жігер» балалар-жасөспірімдер клубы «Бірлік» бөлімшесінің тәрбиеленушісі, № 26 ЖОМ 4-сынып оқушысы Жан Әділов қатысты. 

Байқаудың қорытындысы бойынша Жан Әділов жүлдегер атанып, ІІ орынды иеленді. Диплом және «Akberen Education» журналының редакциясы атынан сертификатпен марапатталды. 

- Жан «Таңшолпан» үйірмесіне 2022 жылғы қазан айынан бастап қатысады. Ол өте көпшіл, жан-жақты бала, қазақ тілі үйірмесінен басқа, ағылшын тілі үйірмесіне қатысады. Сондай-ақ компьютерлік графикамен айналысады және робототехника үйірмесіне қатысады, - дейді мұғалімі Алтынай Малдыбаева.  

«Бірлік» клубы «Таңшолпан» атты қазақ тілі үйірмесінің жетекшісі Алтынай Малдыбаева Абай оқулары байқауының жүлдегерін дайындағаны үшін Алғыс хатпен марапатталды.