Білім жарысы 7-8-сынып оқушыларының арасында өтті, деп хабарлайды @Pavlodarnews.kz тілшісі.

«Астана дарын» дарынды балалармен талантты жастарды анықтау және қолдау орталығы химия және биология пәндері бойынша 7-8-сынып оқушыларына арасында республикалық олимпиадасын өткізді.

Олимпиадаға республикамыздың 18 аймағынан химия пәні бойынша - 48, биология пәні бойынша – 50 оқушы қатысты. Павлодар облысы 10 оқушыдан тұратын құрама командасын олимпиадаға ұсынды. 

Олимпиада қорытындысы бойынша Павлодар облысының оқушылары 7 медаль жеңіп алды, оның ішінде 2 алтын, 1 күміс және 3 қола. Құрмет грамоталарымен екі оқушы марапатталды. Павлодар облысының оқушылары жоғары нәтижелері үшін ІІ дәрежелі дипломына және «Ең үздік олимпиадалық команда - 2024» атағына ие болды.