103 желісі бос болмаса, жедел жәрдем шақырудың басқа да жолдары бар, деп хабарлайды @Pavlodarnews.kz тілшісі.

Дәрігерлердің айтуынша, 103 желісіндегі шақырулар санының артуына байланысты артық жүктеме болуы мүмкін.

Тәулік бойы жедел жәрдемге +7 (7182) 320024, 323778 нөмірлері бойынша хабарласуға болады. Осы жерде аға дәрігердің кеңесін алу мүмкіндігі бар. Жұмыс уақытында медициналық бригаданы пациенттерді қолдау қызметінің маманы жауап беретін +7 7182 650500 телефоны бойынша шақыруға болады. Сонымен қатар, егер жедел жәрдем туралы 112-ге қоңырау шалса, бұл қоңырау автоматты түрде 103 диспетчеріне жіберіледі.

Сондай-ақ жедел жәрдемді Telegram мессенджері арқылы шақыруға болады. Ол үшін http://t.me/pvl _103_bot арнайы ботына жазылу жеткілікті.

– «Жедел жәрдем шақыру» түймесін басып, пайдаланушы нұсқаулыққа сәйкес, жарақатын немесе нашарлығын сипаттауы, сондай-ақ науқастың орналасқан жерін барынша дәл көрсетуі тиіс. Мессенджер арқылы берілген өтінім өңірлік жедел жәрдем станциясының бірыңғай колл-орталығында өңделеді. Диспетчер алдымен шақырудың жеделдігін анықтауы тиіс, – деді дәрігерлер. 

Жеделділіктің төрт санатының әрқайсысы үшін өзінің жету уақыты регламенті бар. Мысалы, адам өміріне нақты қауіп төнген кезде бірінші санат бойынша шақыру 15 минут ішінде өтелуі тиіс. Төртінші санаттағы шұғыл шақырулар емханаларға беріледі және оларға мобильдік бригадалар қызмет көрсетеді.

Өтінімді жұмысқа қабылданғанын өз бетінше тексеруге болады. Ол үшін «Өтініш мәртебесін тексеру» түймешігін басу керек. Жиі қойылатын сұрақтарды өзекті ақпаратта табуға болады.